Biografia
„POBUFIBANOX“ - „Co?“ - „POBUFIBANOX“ - „Cooo?“ - „POBUFIBANOX“ - „Aha???“ Quei ei il tipic dialog suenter haver dumandau il num dalla band. La musica che POBUFIBANOX fa ei denton capeivla e „va en“ silla emprema udida.
POBUFIBANOX dat ei dapi l’entschatta 2005. Duront quei temps ha la band anflau siu agen stil da musica che selai forsa descriver il meglier cun rock punk. Las canzuns ein per gronda part per romontsch ed entginas per engles.
POBUFIBANOX ei: Mirco Manetsch, Corsin, Marcel e Marc Andri Riedi (era numnaus Rüssel ni Rüsseltier. Quei cul „Tier“ capescha mintgin, cura ch’ins auda sco el petga sin sia battaria).
Il plascher da far musica, plirs onns experientscha en autras bands ed in’amicezia che cuozza dapi l’affonza ein atgnamein bunas premissas per far il rocken. Aschia statt POBUFIBANOX dapi bunamein in dus onns sin tribuna e ha dau plirs concerts, denter auter egl AbartMusicClub a Turitg, Indoor Festival a Mustér ed al “Churer Fest”.
Igl onn 2007 ha POBUFIBANOX registrau la canzun “vacanzas” per il dc romontsch “accent” che ei cumparius la primavera. Cun la canzun “bu a ti” ei la band sequalificada per ina registraziun dil dc “amar la vita” digl agid encunter sida grischun.
Suenter haver legiu POBUFIBANOX aschi biaras gadas en quei text, eis ei bein lev da tener endamen quei num. Mo per dir, il num POBUFIBANOX ha denton negina muntada. POBUFIBANOX fa il rocken e basta.
Members
Mirco - Vocals
Corsin - Guitar
Marcel - Bass
Marc Andri - Drums (tochen 2008)
